Заштита на личните податоци

Оваа политика се однесува на платформата АјдеИграј, достапна преку ajdeigraj.mk и ajdeigraj.com, наменета за онлајн друштвени игри и дружење.

При регистрација, играње или комуникација со нас, зависно од функциите што ги користите, може да се обработуваат:

• корисничко име кое не претставува име и презиме, електронска пошта и податоци што доброволно ги внесувате во профилот;

• податоци за соби, партии, резултати и зачуван напредок;

• содржина на пораки што ни ги испраќате;

• IP-адреса, идентификатор на сесија и технички записи потребни за функционирање и безбедност.

• Ајдеиграј никогаш нема да нуди онлајн интернет продажба на производи или услуги, никогаш нема да ви побара платежна картичка на домејните ajdeigraj.mk и ajdeigraj.com

Играњето како гостин не бара секогаш профил, но може да подразбира обработка на технички податоци за одржување на сесијата.

Обработка на податоци

Личните податоци се обработуваат согласно применливиот Закон за заштита на личните податоци, за:

• овозможување регистрација и пристап до игрите;

• создавање и користење приватни и јавни соби;

• зачувување на текот на партиите, резултатите и напредокот;

• комуникација и корисничка поддршка;

• одржување на платформата и спречување злоупотреби;

• исполнување законски обврски.

Обработката се заснова на обезбедување на побараната услуга, законски обврски или легитимен интерес за безбедност и одржување, зависно од целта. За изборна обработка за која е потребна согласност, таа се бара посебно.

Регистрацијата сама по себе не претставува согласност за промотивни пораки.

Видливост меѓу играчите

Корисничкото име, избраната профилна слика и информациите за играта може да бидат видливи на другите учесници, зависно од функциите и поставките на платформата.

Пораките што ги споделувате со други играчи им се видливи на нивните приматели. Не споделувајте чувствителни лични информации во собите или разговорите.

Права на корисниците

Во согласност со применливите законски услови, имате право:

• да побарате пристап до Вашите лични податоци;

• да побарате исправка или дополнување;

• да побарате бришење или ограничување на обработката;

• да поднесете приговор на обработката;

• да побарате преносливост на податоците;

• да ја повлечете согласноста, кога обработката се заснова на неа.

Барањата можете да ги доставите на:

contact@ajdeigraj.com

За заштита на Вашите податоци, може да побараме проверка на идентитетот. 

Безбедност на податоците

АјдеИграј презема соодветни технички и организациски мерки за заштита од неовластен пристап, злоупотреба, губење или оштетување на личните податоци.

Во случај на нарушување на безбедноста, надлежниот орган и засегнатите корисници ќе бидат известени кога тоа е предвидено со закон.

Чување и бришење на податоците

Податоците се чуваат онолку долго колку што се потребни за целта за која се собрани.

Податоците за профилот и зачуваните партии се чуваат додека се потребни за обезбедување на услугата. По барање за бришење се отстрануваат или анонимизираат, освен кога постои оправдана потреба или законска обврска за нивно задржување.

Рокови за неактивни профили, технички записи и резервни копии: 6 месеца или 180дена.

Бришењето на профилот може да доведе до губење на зачуваниот напредок на платформата.

Споделување и пренос на податоци

Личните податоци може да бидат достапни на даватели на хостинг, техничко одржување и комуникациски услуги, во обем потребен за нивната работа, како и на надлежни органи кога тоа е законски задолжително.

Ако податоците се обработуваат надвор од Северна Македонија, се применуваат соодветните законски услови и заштитни мерки.

Измени на политиката

Оваа политика може да се ажурира при промени во услугата или обработката на податоците. Пред воведување рекламни или аналитички услуги што обработуваат лични податоци, ќе бидат објавени соодветните информации и, кога е потребно, ќе биде побарана согласност.

Последно ажурирање: 10 Септември 2026